| كرسى الاعتراف | |
|
+14mohamed yosy-lv-ahly محمد الرومانس dr_sameh مجدى حسن cuteloody tota_ahly Nijmy_ LV _Elahly M_AMER sam abo_holaa moegypt Sasooo_Ahlawya zeina 18 مشترك |
|
كاتب الموضوع | رسالة |
---|
zeina مشرف
عدد الرسائل : 272 العمر : 36 تاريخ التسجيل : 23/10/2008
| موضوع: رد: كرسى الاعتراف الجمعة 07 نوفمبر 2008, 7:38 pm | |
| يالهووووووووووووووووووووى يا رامى دى سارة بتنتقم | |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الجمعة 07 نوفمبر 2008, 7:54 pm | |
| لالالالالالالالالالالالالالالالالالالالالالالالالالالالالالالالالا والله ما بنتقم بس رامى اجاباته جميله وتخلى اى حد يساله علشان يستمتع باجاباته | |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف الجمعة 07 نوفمبر 2008, 8:40 pm | |
| شكرا ياساره على الكلام الجميل الى انتى قولتيه وشكرا للمنتدى كله على المشاركه فى هذه اللعبة الممتعة امتى اخر مره سمعت كلمه حب؟؟؟؟ -- الحياة بدون كلام الحب (المشروع) لا تصبح حياة
هل مره حسيت انك ياس لدرجه اتمنيت وقتها الموت؟؟؟ -- لما عرفت بمرض والدتى كنت ياس جدا ولكن عمرى ما تمنيت الموت
ايه اكتر مكان بترتاح فيه نفسيا؟؟؟؟؟ -- البيت اصلى انا بيتى جدا
هل انت انسان دبلوماسى؟؟ -- فى بعض الاحيان
هل تعتقد ان النسيان شيىء سهل؟؟؟ -- النسيان سهل ولكن ليس لكل شىء فالحياه يوجد بها اشياء لا يمكن نسيانها ابدا
متى يعنادنك قلبك وعقلك؟؟؟؟ -- عقلى ممكن يعاند فى الشغل كثيرا ولكن قلبى لا يعاند من احببت مطلقا لو طلبت منك ان انت يرجع بيك الزمن علشان تنسى شيىء ايه اللى تنساه؟؟؟؟؟ -- فتره تجنيدى بالجيش كانت فتره صعبة قوى
هل من وجهه نظرك جواز الصالونات احسن ولا الجواز عن حب؟؟؟ -- جواز الحب طبعا اذا كانو متفاهمين ولكن فى بعض الاحيان جواز الصالونات ينجح
ايه اكتر صفه لو موجوده فى بنت تكون احلى واحده فى عينك؟؟؟؟؟ -- الرقه والخجل
لو طلبوا منك تدى عمرك لحد هتديه لمين؟؟ -- لزوجتى وامى واولادى انشا الله
مين اكتر ممثل بتحبه؟؟؟ واكتر ممثله ؟؟ -- عادل امام و منى زكى
اكتر ثلاث اشياء تؤمن بيهم فى الحياه؟؟؟؟؟ -- الدعاء لله , الصبر , الايمان بالقدر امتى بتكون قاااااسى وامتى بتكون حنين؟؟؟ -- بكون قاسى مع نفسى كثيرا وبكون حنين فى البيت
مين اكتر حد فهمك فى حياتك؟؟؟؟؟ -- بصراحة والدى
ومين اكتر حد انت حسيت انه اخطىء فى فهمك؟؟؟ -- متهيالى مفيش حد معين
ايه الحياه اللى كان نفسك تعيشها ومعشتهاش؟؟؟ -- كان نفسى اعيش فى عهد رسول الله صلى الله عليه وسلم
ايه اكتر لون لما بتلبسه بتكون سعيد جدا ومرتاح -- الكريمى والبيج والبنى
وايه اكتر لون لوشفته على حد بتكون شايفه بشكل حلو؟؟؟ -- اللون الابيض
هل انت شخص مجامل تجيد الكلام؟؟؟؟ -- احيانا
هل انت شخص تستطيع التعبير عن مشاعرك وتستطيع توصيلها للطرف التانى بشكل كويس؟؟؟ -- استطيع التعبير عن مشاعرى واستطيع توصيلها ولكن بالفعل وليس الكلام وهذا من عيوبى
الدنيا الوان ايه اكتر لون شايفه فى الحياااااااااااااااه؟؟؟؟ -- الاحمر طبعا فالاهلى فوق الجميع | |
|
| |
yosy-lv-ahly اهلاوى نشيط
عدد الرسائل : 208 العمر : 33 تاريخ التسجيل : 05/11/2008
| موضوع: رد: كرسى الاعتراف الجمعة 07 نوفمبر 2008, 9:32 pm | |
| | |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف الجمعة 07 نوفمبر 2008, 10:12 pm | |
| 1- ايه اكتر حاجه عملتها فى حياتك وكانت فيها معاناه شديدة؟؟-- تكوين بيتى (عش الزوجية )كانت مسالة صعبة جدا
2- ما معنى الوحده بالنسبه لك والفراغ وهل شعرت بهم قبل ذلك-- شعرت بيهم فى الجيش ولكن الان لا اشعر بهم نهائيا
3- ايه اكتر حاجه لو اتوفرت فى الحياه بين اتنين تكفى لنجاح اى علاقه؟ -- الحب والتقدير المتبادل
4- هل انت من الرجال الذين يعتقدون بالعنف ضد المراه وهل ممكن تمد ايدك على بنت؟؟ -- نهائيا فهذا اسلوب همجى
5- مين المسئول عن تربيه الاولاد اكتر الام ولا الاب ومين بيكون مؤثر فى حياتهم اكتر؟؟؟ -- متهيالى الاثنين ولكن الام تاثيرها اكبر شوية
6- ايه رايك فى شغل المراه؟ -- مرفوض بالنسبة لى فاهتمام المراه ببيتها واولادها وزوجها هذه الاشياء هى اسمى وافضل شىء بالنسبه للمراه
7- ايه اكتر صفه مكنتشى موجوده فيك واتعلمتها من اللى حواليك؟؟؟ -- مفيش حاجة معينة ولكنى استفيد من كل الموجودين حولى من اصدقائى
8- ايه اكتر صفه اخدتها من والدك واكتر صفه ا خدتها من والدتك؟ -- الضحك والمزاح فى البيت وتقديس الحياه الزوجية من ابى والطيبة والحنيه من امى
9- هل صادفك الفشل فى حياتك من قبل؟؟؟؟ -- احيانا ومش هقول على نفسى انى كنت بطل و اقدرت اهزمه لا بالعكس انا لولا اصدقائى وقفو جانبى وساندونى مش عارف كان ممكن يحصل ايه
10- الى اى مدى ترى اهميه المراه فى الحياه عامتا وحياتك خاصا؟؟ -- المراة نصف المجتمع بجد فهى الام والاخت والزوجه والابنه انها روح وقلب وعاطفة هذا المجتمع وحياتى الخاصه بها امى وزوجتى واختى وهما كل شىء بالنسبه لى
11- ايه اكتر اماكن زورتها فى مصر وحبيتها وليه؟ -- اسكندرية بحبها جدا وليها ذكريات جميله معيا فهى بلد رائعة
12- لو تتمنى تروح القمر او جزيرة ولازم تاخد شخص واحد هو مين وليه؟ -- زوجتى طبعا
13-ايه اكتر حاجه او جهاز تكنولوجى حبيته وحسيت انك رائع فى استعماله؟؟ -- الاله الحاسبة هههههههههههه يعنى ساعات بعمل حاجات كويسه على الكمبيوتر
14- هقولك كلمات وتقولى نقولها لمين؟ بحبك اوووووى ....... زوجتى - واحشنى مووووت..... ابنى الى لسه مشفتوش - الله يسامحك ........ ساره على كل الاسئله دى - انت اقرب حد ليا...... ناس كتير (زوجتى وابنى وابى وامى واخوتى و اصدقائى) - اهتم بيا...........مفيش حد - بغير عليك..........زوجتى - ارجوك لا تياس........ امى - نسينى الدنيا......... النت - انت صديقى الوحيد......... حاليا مجدى حسن - ارجوك افهمنى ......... مفيش حد - مش عاوز اعرفك......... زميله فى الشغل
15- ايه اكتر حاجه اترددت قبل ما تعملها فى حياتك وعملتها وحسيت انها اسهل من انك تتردد كل ده؟ -- حاجات كتير بس مش متذكر منه حاجة دلوقتى
16- مين اكتر حد طلع عند حسن ظنك فيه وطلع زى ما توقعته؟؟ -- مجدى حسن ود/ سامح زملائى فى الشغل
17- لو عمرك ساعه تقضيها مع مين ولو يوم مع مين ولو سنه مع مين؟؟؟؟؟؟ -- لو عرفت الموضوع ده يبقى هقضى الوقت ده فى الجامع
18- نفسك تعيش فين لو انت مش عايش فى مصر؟؟؟؟؟ -- برده اعيش مصر لانى بجد بحبها جدا
19- لو انت مش محاسب كان نفسك تكون ايه؟؟؟؟ -- مهندس بترول وتعدين
20- ايه اللى بتحبه فى زوجتك اووووووووى وشايف انه اهم شيىء فيها ؟؟؟؟ -- طيبتها وحبها لبيتها
21- امتى ااخر مره ضحكت من قلبك؟؟؟ -- انا على طول بضحك ههههههههههههههههههههههه
22- اسعد اوقاتك بتقضيها مع مين؟؟؟ -- اهلى وزوجتى واصدقائى
23- ايه اعظم شيىء فى الحياه من وجهه نظرك؟؟؟ -- الحياة الاسرية
24- مين اكتر حد معاه بتحس بالامان وانك مش قلقان من اى شيىء؟؟؟ -- والدى
25- مين اقرب حد ليك فى اقاربك ؟ --مفيش غير اسرتى ابى وامى واخوتى
26- كيف ترى الصفات الاتيه يعنى تقولى كويسه ولا لا وكمان تقولى شايفها فى مين من اللى حواليك الرقه.......... حاجه جميله جدا (زوجتى) - العصبيه....... وحشه جدا على الصحة (مجدى حسن) - الدقه والانضباط....... كويسه جدا (امى) - البرود .......... وحشه جدا (رامى) - الاحترام...........جميل ويجب ان يكون فى الناس كلها - العند......... شىء رخم بجد (رامى) - الطيبه والحنيه ........ احلى شى فى الدنيا (زوجتى) - التسامح ....... جميل جدا حتى تستمر الحياه - العقل ......... مهم جدا ولكن مش موجود كتير الايام دى - التفانى والتضحيه........ جميله ولكنها اشياء اصبحت نادره جدا - التمرد......... اسلوب همجى - الدلع .......... جميل من المراه - قله الحكمه ....... شىء سىء تعتبر جنون - بعد النظر والبصيره القويه ..........جميله ومفيده (ابى)
27- ايه رايك فى الكذب والغش وخاصه فى علاقات الحب؟؟؟؟؟؟؟ -- علاقه لا تستمر طويلا بسبب هذه الاشياء وربما تولد جرحا عميقا
28- ايه الحاجه اللى بتساعد فى تكوين شخصيه الانسان البيئه - الاهل - الظروف - التجارب -- كلها عوامل مهمه فى تكوين الشخصية
29- اكتر اكلات بتحبها غير البطاطس اللى بانواعها ؟؟؟؟؟؟؟ -- هههههههههه انا باكل كل الاكل ماعدا البامية والكوسة اما البطاطس فدى حبى الاول والاخير
30- ايه اكتر اكل بره البيت واكتر فاكهه ؟؟؟؟؟؟ -- الكشرى من عند سيد حنفى او ابوطارق فى وسط البلد واحلى فاكهة بحبها هى المانجو
30 سؤال ياساره ده كلام
ماشى لكيى يوم دا انا تعبت فعلا
وميرسى جدا جدا على الكلام الجميل ده
بس دا كتير على قوى الحاجات الى قولتيها دى
شكرا لزوقك | |
|
| |
tota_ahly نائب المدير
عدد الرسائل : 1147 العمر : 35 تاريخ التسجيل : 28/09/2008
| موضوع: رد: كرسى الاعتراف الجمعة 07 نوفمبر 2008, 10:34 pm | |
| وانا كمان هسالك يارامى لان بجد اجاباتك تحفة وتشجع ان الواحد يسالك
1- معنى الحب من وجهة نظرك ؟ 2- اية الحاجات اللى بتتمنى انها تكون فى اولادك ان شاء الله ومكنتش فيك ؟ 3- اية اكتر دعوة تحب تسمعها من والدتك ؟ 4- ياترى انت ولد بار بوالديك ولا تاعبهم ؟ 5- اية اكتر حاجة ممكن تزعلك من مراتك ؟ 6- كم عدد اخواتك واية ترتيبك بينهم ؟ 7- كام مرة حبيت فى حياتك ؟ 8- نوع لبسك اية كلاسيك ولا كاجول ؟ 9- اية اكتر الوان بتحبها فى لبسك ؟ 10- ياترى بتحب الخيال ولا الواقع اكتر ؟ 11- اى اكتر مكان تحب تروحة انت ومراتك ؟ 12- الرومانسية من وجه نظرك اية ؟ 13- اية اكتر صفة بتحبها فى نفسك ؟ 14- واية اكتر صفة بتكرهها ؟ 15- اية اكتر صفة بتكرها فى صديقك ؟ 16- اية الصفة اللى لو لاقيتها فى شخص مبتحبش تتعامل معاة ؟ وكفاية كدة عليك بقى | |
|
| |
Nijmy_ LV _Elahly مشرف
عدد الرسائل : 626 العمر : 33 تاريخ التسجيل : 28/09/2008
| موضوع: رد: كرسى الاعتراف الجمعة 07 نوفمبر 2008, 11:15 pm | |
| انتباااااااااااه جيت تاني هههههههههههههه
راح اقول كلمات وقلي اول شئ بيخطر ببالك لما بتسمعهاا:
الصحراء البحر الغابه المطر البرد المرض المال
***********
موقف حصلك خلاك تعيد النظر في حيااتك كلهاا ؟
***********
لما كنت طفل صغيير اكيد كنت بتحلم ايه كانت احلااامك لو متذكرها ؟ ايه الجزء اللي اتحقق ؟ وايه الجزء يلي ما اتحقق ؟؟
**************
اكتر اغنيه بتحبهاااا كتير حاليا من الاغاني الجديده ؟ واكتر اغنيه من اغاني زماان بتحبهاا ؟؟
**************
القمر-الشمس-النجوم...........ايها تفضل والسبب؟!!
***********
لو معاك مصباح علااء الدين ومعاك طلب واحد ويتحقق فوراً ايش هو الطلب الي هتطلبو من الجني ؟؟؟؟؟؟؟؟؟؟
***********
تخيل نفسك عايش دلوقتي مش في 2008 انما في سنه 2020 تتوقع تشووف الاحوال ازااي ؟؟؟
************
متى تغضب ؟
ومتى تحزن ؟
ومتى ترضي ؟
ومتى تفرح ؟
*************
ذهبت ايام الطفووله وولت وما بقي الا ذكرياتهاا .... لما بتفكر بطفوولتك بتتذكر ايه ؟؟ ووووووو
متى تتذكر طفولتك ؟؟؟
***********
طيب خلص هيك انا خلصت الله يكون في عوونك دوول مفتريين هههههههههههههههههههه
| |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الجمعة 07 نوفمبر 2008, 11:41 pm | |
| بجد يارامى الوقت اللى انت قاعد فيه انا شخصيا مبسوطه باجاباتك اوووووووووووووى اتمنى مكونشى تقلت عليك بس حقيقى انت شخص تلفت الانتباه بردودك القويه واسلوبك اشكرك مره تانيه وانا خلصت اسئلتى الحق جاوب على بقيه الاسئله احسن نفسى تتفتح تانى وارجع اسئلك ههههههههههههههههههههههههههههههههههههههههههههههههههههههههه | |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف السبت 08 نوفمبر 2008, 11:47 am | |
| ازيك منور الكرسى-- ربنا يخليكى المكان منور باهلهكام سؤال كدةوجاوب بصراحة-- ماشى ربنا يستر- هدفك في الحياه ؟؟-- الصحه والستر وحياه كريمة
- حلم نفسك يتحقق ؟؟-- احج واعمل مشوع يامن حياتى- حلم لكن مستحيل انه يتحقق ؟؟-- اذهب فى رحله الى القمر على مركبة فضائية ما أجمل زهرة في حياتك؟-- زوجتى_ماذا تحب أو تكره في شخصك؟-- احب عملى والتفانى فيه واكره طيبتى لانها فى اوقات كثيره لا تصلح لهذا الزمنما ذا يعنى لك الحب ؟؟؟-- اخلاص
فهل سبق ان احببت من قبل ؟؟؟-- احببت زوجتى قبل ان اراهاماهو أعز واهم ما تملك ؟؟-- زوجتى واولادى انشا الله
ما هو اروع شعور ف العالم ؟؟؟-- ان تكون اب
ما هو اسوا شعور ف العالم ؟؟؟-- الخيانة
ماهى اجمل اغنية سمعتها ؟؟؟ -- اوعى حد فيكم يزعل امى للفنان الكبير ( سعد الصغير) ههههههه
وما هى اسوا اغنية سمعتها ؟؟؟ -- (العنب) ههههههههههه
ماهو اكثر شىء تذكرة عن السنة الماضية ؟؟؟ -- جوازى
ما هو احلى يوم ف حياتك؟؟؟ -- 8/7/2000
ماذا يوجد ع حائط غرفتك ؟؟؟ -- ايه الكرسى
ما الذى يضحكك؟؟؟" -- طفل صغير بيضحك
ما الذى يبكيك ؟؟؟ -- طفل معاق
هل انتي عصبي ؟؟ -- احيانا
ماهو الفريق المفضل لديك .؟ -- الاهلى طبعا فوق الجميع
ماهو اللون المفضل لديك ..؟ -- درجات اللون من الابيض الى البنى
افضل وجبه ..؟ وماهي ..؟ -- البطاطس بكل انوعها
مافائدة الموبايل ..؟؟ -- بالنسبه لى علشان رسائل زوجتى
ماذا يعني لك الماسنجر ..؟ -- شخص محترم يحاول التقريب بين اثنان وفى بعض الاحيان يكون غير محترم نهائيا
- موقف محرج حصلك في حياتك و في الموقع ؟؟؟-- مفيش حاجة معينة
- احسن سنه كانت بالنسبه لك ايه و ليه ؟؟؟-- 2008 كان اولها جوازى وانشا الله فى شهر 12 هيجى ولى العهد
- ايه الاهم الكرامه ولا الحب وليه ؟؟-- الكرامة والحب وجهان لعملة واحد معا ان فى بعض الاحيان الحب يعلو عن الكرامه
- الخيانه بالنسبة ليك عباره عن اى ؟؟لا يقل عن سطر واحد -- اســـــــــــــوء شىء فى الحيـــــــــــــــاة
size=24][]عبر عن الماء ؟ نقاء عبر عن الارض ؟ طيبه عبر عن الطريق ؟ مشوار طويل عبر عن الرجل والمراءهـ ؟ اب و ام عبر عن الثقافه ؟ معرفة ومستقبل عبر عن الاخلاص والوفاء ؟ حلم جميل عبر عن الحب ومعانيه ؟ عاطفة واحساس جميل عبر عن السماء ؟ تنظر اليها فتقول سبحان الله عبر عن الصحراء ؟ هدوء عبر عن عالم الانترنت ؟ عالم كبيرررررررررر عبر عن نفسك ؟ طيب والله عبر عن المنتدى ؟ رائع وجميل ولذيذ عبر عن الفصول الاربعه ..؟ اخوات اشقاء ولكن عمرهم مبيتقابلو عبر عن المطر ..؟ خير عبر عن الاسلام ..؟ حياه جميلة عبر عن الحريه ..؟ انطلاق عبر عن الظلم ..؟ شىء سىء عبر عن ضعف الشخصيه ..؟ انسان غلبان وطيب قوى والله عبر عن جمال المراءهـ ..؟ سلاح خطير جدا ماهو النادى المفضل ليك ؟؟؟ -- الاهلى فوق الجميع من هم الاعبين المفضلين ؟ سبب محبتك لهم ؟ -- محمد ابو تريكه ( خلوق ومتدين وانسان يحب الناس والناس تحبه ) من هو الشخص المفضل لديك بالمنتدى ؟ ولماذا؟ مجدى حسن موضيعو جاريئه واخويا الصغير و ساره مديره شاطره وصحفيه ناجحة ودمها خفيف ودكتور سامح علشان مديرى فى الشغل ومينفعش مذكهوش ههههههههه عضو مواضيعه وردوده تعجبك ويستحق لقب المبدع بالنسبه لك ؟؟ ***(نجمة)*** اقرب الأعضاء لك ؟؟ اهم شي تقول اسمي --- كل اعضاء المنتدى وخصوصا مجدى حسن كم عدد المنتديات التى تشارك فيها ؟؟ -- حاليا ثلاثة ماهو عطرك المفضل؟ -- هوجو اسوء يوم في حياتك؟ -- لسه مجاش الحمد لله اطرف موقف مرعليك؟ -- مفيش حاجة معينه ماهو افضل مكان تحب ان تقضي فيه وقتك؟ ولماذا؟ -- البيت اصلى انا بيتى جدا ما معنى الصراحه برأيك ؟ -- هى نقاء النفس أفضل شخصية رياضية ف رايك ؟ ؟ -- محمد ابو تريكة احب اوقاتك متى ومع من؟ -- مع زوجتى ومع اصدقائى توقيع لفت انتباهك بالمنتدى ؟ ؟ -- توقيع ساره ونجمه مقترحاتك لتطوير المنتدى؟؟ -- المنتدى حتى الان هايل لو وقع في يديك فانوس علاء الدين وقيل لك تمني ثلاث امنيات ماذا سوف تتمنيين؟؟؟؟؟؟؟؟؟ الصحة والستر و مليون دولار هل انت ِ ممن يقتنعون بسرعة ؟ -- فى بعض الاحيان ماالذي يجعلك تنفجر غضبا ً ؟ -- خطا فى الشغل ماهو شعورك عندما يطرح عليك سؤال تعجز الرد علية ؟ -- بقول معرفش من هو العضو المثقف .. في نظرك ..؟ -- متجدد يطرح مواضيع جديده من هو العضو المميز .. في نظرك ..؟ -- متفاعل مع الاعضاء من هو / هي المشرف / المميزهـ ,, في نظرك ..؟ -- كل المشرفين فى المنتدى حتى الان متميزين ما عدا مشرف المنتدى الدينى ******************* و آخر سؤال هوا هل تتمنى انى ارجع تانى واسالك ؟؟؟ وبلاش تكسفنى وقول اة -- بصراحة ممكن ترجعى بـــــــــــــــس مع الى بعدى انشا الله هههههههههههههههه يالا يا بطل جاوب ع الاسئلة دى تشششششششششششششجع كدا وسمى الله وجاوب ولى عودة مرة اخرى ربنا يستر | |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف السبت 08 نوفمبر 2008, 12:23 pm | |
| وانا كمان هسالك يارامى لان بجد اجاباتك تحفة وتشجع ان الواحد يسالك -- ربنا يخليكى على الكلام الجميل ده
1- معنى الحب من وجهة نظرك ؟ -- اجمل شىء فى الوجود 2- اية الحاجات اللى بتتمنى انها تكون فى اولادك ان شاء الله ومكنتش فيك ؟ -- التفوق الدراسى
3- اية اكتر دعوة تحب تسمعها من والدتك ؟ -- ربنا يحبب فيك خلقه
4- ياترى انت ولد بار بوالديك ولا تاعبهم ؟ -- الحمد لله بجتهد حتى اصبح ابن بار
5- اية اكتر حاجة ممكن تزعلك من مراتك ؟ -- متكلش معايا
6- كم عدد اخواتك واية ترتيبك بينهم ؟ -- 3 (بنتين و ولد) وانا الكبير
7- كام مرة حبيت فى حياتك ؟ -- مره واحده ( زوجتى)
8- نوع لبسك اية كلاسيك ولا كاجول ؟ -- شويه كده وشويه كده
9- اية اكتر الوان بتحبها فى لبسك ؟ -- الكريمى والبيج
10- ياترى بتحب الخيال ولا الواقع اكتر ؟ -- الخيال جميل بس الواقع مفيش مفر منه
11- اى اكتر مكان تحب تروحة انت ومراتك ؟ -- كورنيش المقطم وكار فور واركديا مول وسيتى ستار
12- الرومانسية من وجه نظرك اية ؟ -- حب وعاطفة جياشة
13- اية اكتر صفة بتحبها فى نفسك ؟ -- الطيبة
14- واية اكتر صفة بتكرهها ؟ -- برده الطيبة
15- اية اكتر صفة بتكرها فى صديقك ؟ -- الخيانه
16- اية الصفة اللى لو لاقيتها فى شخص مبتحبش تتعامل معاة ؟ -- الغرور وحب النفس على حساب الغير
وكفاية كدة عليك بقى -- الحمد لله
| |
|
| |
mohamed مشرف
عدد الرسائل : 44 العمر : 44 تاريخ التسجيل : 28/09/2008
| موضوع: رد: كرسى الاعتراف الأحد 09 نوفمبر 2008, 1:05 am | |
| بجد انا بشكرك جدا علي اجوبتك يا رامي بجد اجوبة محترمة تدل علي ان صاحبها ذو شخصية محترمة ومحل تقدير انا بس حبيت اشارك برايي ولن اقوم بسؤالك لاني ملاحظ ان باقي الاعضاء قايمين بالواجب من الناحية دي وبجد اجوبة مميزة لشخص مميز . | |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف الأحد 09 نوفمبر 2008, 7:35 pm | |
| انتباااااااااااه جيت تاني ههههههههههههه -- اهلا بيكى
راح اقول كلمات وقلي اول شئ بيخطر ببالك لما بتسمعهاا:
الصحراء ......... هدوء البحر ............. حب الغابه .............. خضره المطر............ خير البرد ............. انسان قاسى القلب المرض ............ ابتلاء من الله المال .............. هو انسان غنى يمتنع عن اعطاء الزكاه للفقراء
***********
موقف حصلك خلاك تعيد النظر في حيااتك كلهاا ؟ -- دخولى الجيش
***********
لما كنت طفل صغيير اكيد كنت بتحلم ايه كانت احلااامك لو متذكرها ؟ ايه الجزء اللي اتحقق ؟ وايه الجزء يلي ما اتحقق ؟؟ -- انى اجوز واحده بحبها والحمد لله حصل **************
اكتر اغنيه بتحبهاااا كتير حاليا من الاغاني الجديده ؟ --هى مش جديده قوى (تملى معاك ) لـ عمرو دياب
واكتر اغنيه من اغاني زماان بتحبهاا ؟؟ -- برده مش قديمة قوى هى ( الـ جالى بعد يومين ) لـ سميره سعيد
القمر-الشمس-النجوم...........ايها تفضل والسبب؟!! -- القمر والنجوم لهم سحر جميل
لو معاك مصباح علااء الدين ومعاك طلب واحد ويتحقق فوراً ايش هو الطلب الي هتطلبو من الجني ؟؟؟؟؟؟؟؟؟؟ -- اروح بسرعة
تخيل نفسك عايش دلوقتي مش في 2008 انما في سنه 2020 تتوقع تشووف الاحوال ازااي ؟؟؟ -- انشا الله اكون صاحب اكبر مشروع فى البلد معا انى مش عارف هو ايه وهتكون سيارتى بتطير واركنها فوق السطح علشان فيه مطار صغير
متى تغضب ؟ -- عندما يحدث خطا فى العمل
متى تحزن ؟ -- عندما ارى طفل معاق
ومتى ترضي ؟ -- انا راضى بكل شىء والحمد لله
ومتى تفرح؟ -- افرح واضحك بضحكه طفل صغير
ذهبت ايام الطفووله وولت وما بقي الا ذكرياتهاا .... لما بتفكر بطفوولتك بتتذكر ايه ؟؟ ووووووو -- بتذكر طفل شقى جدا بيحب اكل الشبسى قوى ويحب اللعب بالطائرات الورقية وركوب الدراجات
متى تتذكر طفولتك؟ -- لما بشوف طفل شقى
***********
طيب خلص هيك انا خلصت الله يكون في عوونك دوول مفتريين هههههههههههههههههههه
مفيش مشاكل كل واحد دوره جى ههههههههههههههههههههههههه
| |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف الأحد 09 نوفمبر 2008, 7:39 pm | |
| -- شكرا يا محمد بجد كتير قوى على الكلام الجميل ده مع انه كتير عليا والله الف شكر ليك
| |
|
| |
abo_holaa مشرف
عدد الرسائل : 796 العمر : 42 تاريخ التسجيل : 29/09/2008
| موضوع: رد: كرسى الاعتراف الثلاثاء 11 نوفمبر 2008, 2:27 pm | |
| ياجماعة انا دلوقتى هختار بس قبل ما اختار احب اشكركم جدا على المشاركه
مع انكم غسلتونى اسئلة
هختار................................... !!!!!!!!!!!!!
!!!!!!!!!!!!
!!!!!!!!!!!!!
مين ياترى
!!!!!!!!!!!!!
!!!!!!!!!!!!!
!!!!!!!!!!!!
هختار Sasooo_Ahlawya استعدى ياساره والف مبروك | |
|
| |
مجدى حسن نائب المدير
عدد الرسائل : 859 العمر : 41 تاريخ التسجيل : 28/09/2008
| موضوع: رد: كرسى الاعتراف الأربعاء 12 نوفمبر 2008, 1:42 pm | |
| انا هبدأ ياسارة اولا هتنورى اكيد وهتكونى اضافة 1-لكل انسان ذو فكر رسالة فى الحياة ماهى رسالتك فى الحياة؟؟؟؟؟؟ 2-لكل انسان اشخاص ساعدوا فى تشكيل شخصيتها هل لديكى احد ساهم فى تكوين شخصيتك؟؟؟؟ 3-البنت شخصية ضعيفة غالبا رأيك ايه؟؟؟؟؟؟؟؟؟ 4-لو حياتى قصة فيلم تفتكرى يكون عنوانها اه..........؟؟؟بس اوعى تسرقى العنوان من حد! 5-اهم مميزاتك اللى بتحسى بيها؟؟؟؟ 6-من الممكن ان يكون الزوج غير الحبيب وتنجح الحياة ..رأيكى؟؟؟؟؟ 7-الزواج من الحبيب رائع حتى لو فيه عيوب الدنيا....رأيكى؟؟؟؟؟ 8-البنت ...انانية جدا تحب نفسها وتحب حب الغير لها ....رأيكى؟؟؟؟؟ اعتقد انى مش هسأل تانى الا لو شوفت اسئله واجابتك طرحت اسئلة تانى ومنورة مره تانى واتمنى اكون عملت مرور مفيد | |
|
| |
cuteloody
عدد الرسائل : 23 العمر : 35 تاريخ التسجيل : 06/10/2008
| موضوع: رد: كرسى الاعتراف الأربعاء 12 نوفمبر 2008, 3:54 pm | |
| ورجعت تانى أدعولى يا جماعة طول الأسبوع الجاى عندى إمتحانات ميد ترم ادعولى سارة حبيبتى أهلا" بيكى على كرسى الأعتراف نبدأ أسئلة 1- مين أهم شخص فى حياتك؟ 2- إيه الصفة اللى ممكن متتقبليهاش فى الشخص اللى قدامك ؟ 3- الناس بيقولوا عليكى إيه ؟ يعنى شايفينك إزاى ؟ طيبة ، عصبية ,.......... 4- إيه أجمل موقف فى حياتك و أسعد لحظات حياتك ؟ 5- حد إستحالة ممكن تسامحية ؟ 6-هوايتك؟ 7-دراستك؟ 8- شايفة مستقبلك إزاى؟ 9- نظرتك للحياة قوليهالنا فى 3 كلمات 10-تقولى لمين بحبك 11- تقولى لمين : مقدرش انساك 12- تقولى لمين: سامحتى 13- تقولى لمين : يارب يخلينا لبعض 14- موقف محرج حصلك هتحكى لازم ههههههه 15- لونك المفصل 16- حاجة نفسك تحققيها 17- أغنية جايه على بالك دلوقتى : 18- حاجة فيكى أنت مش راضية عنها و نفسك تغيريها 19- شايفة انت نفسك إزاى 20- ماذا يمثل لكى : البحر الصحراء النيل السماء المطر كفاية كدة اشئلة هروح أحضر أسئلة و أجى تانى عايزة أقول حاجة بجد سارة دى إنسانة جامدة و زى العسل و اللى يعرفها يحبها و يحترمها و انا بحبك جدا" يا سارة أنت و إسراء طبعا" | |
|
| |
yosy-lv-ahly اهلاوى نشيط
عدد الرسائل : 208 العمر : 33 تاريخ التسجيل : 05/11/2008
| موضوع: رد: كرسى الاعتراف الأربعاء 12 نوفمبر 2008, 10:25 pm | |
| اهلا سارة منورة والله اسال بقى حبيتى كام مرة؟ مين مثلك الاعلى؟ مين الشخص المتقدرش تبعدى عنه؟ قولى كلمه توصفى بيها نفسك؟ ايه عيوبك و حساناتك؟ اول ولد وبنت نفسك تسميهم ايه؟؟ لون مبتحبيهوش؟؟ لما بتتخنقى من حد بتعبر عن خنقتك ؟؟
او حاجه بتعمليها لما تكونفرحانة واول حاجه بتعملها لما تكون زعلانة؟ انتى ممكن تساعي حد لدرجه ايه ؟ بتحبى العمل الجماعي ولا الفردي ؟ بتبقى فخورة اوي بنفسك لحظه ايه ..... ؟ احسن سن للحب بيكون ؟ ايه انطباعك عني الاول وهل اختلف حاليا؟
بتقضي يومك اذاي ف اجازه? اية اسعد ايامك ? واية رقم البتحبية? اما بتخرج بتحب تروح فين? اية اكتر حاجه جريئة عملتيها ف حياتك لحد دلوقت? اية اكتر موقف صعب أتعرضتيله? وبتحلم ب أية دلوقت؟ -هل تعتقد ان االست مغروره بطبيعته؟ -لميين تقول 1-لو تعرفوا بنحبكم قد ايه 2-خلص تارك 3-انابستناك 4-عارف ليه 5-حبيبى يا عمرى 6-احضان الحبايب 7- الحب المستحيل 8-علمنى حبك 9-مستقيل 10-غدار 11-حنيت 12-ليه خلتنى احبك 13-اضحك كركر 14-من اول يوم عرفتك 15-حيران 16-استحاله 17-انا عايش و مش عايش 1-ماشية الشارع و ا ذا بيكى وجها لوجه مع مع حد بتكرهه مووووت هتعمل ايه او هتقول له ايه ؟ 2-رحت الجامعه فاذا بك تلاقى جميع الطلبه و المدرسين ميتين هيكون رد فعلك ايه 3-لقيتى مركبه فضائيه نازله على سطوح بيتكم 4-قاعد فى السنيما بتتفرج على فيلم رعب و فجاه لقيت نفسك جوه احداث الفيلم وواحد من ابطاله -هل تعتقد ان التضحيه صفه بتميز المراه اكثر من الرجل؟ -هل انت من انصار جواز الصلونات؟ -ايه الصفه الاسلاميه اللى شايف انها اندثرت؟ مين الصحابى الاقرب لقلبك و ديما بتعتبره قدوه ليك بعد الرسول عليه الصلاه و السلام؟ -هل فى رايك الكراهيه صفه او طبيعه انسانيه موجوده فى الانسان ام هى شئ مكتسب من خلال الحياه و تعاملاتها؟ ايهما اقوى شرا الشيطان ام النفس؟و ليه؟ -ما هو مفهومك عن الخيانه؟ -هل بتعتقد ان الحب الاول هو الحب الوحيد ام انه لا يوجد ما يسمى بالحب الاول؟ -مييييييييين اطيب عضو عرفته فى المنتدى؟ -مييييييين من الاعضاء هنا اللى تلقبه بمحامى المنتدى؟ -ايه احساسك لما بتشوف طفل او عجوز او سيده نايمه فى الشارع او على احد الارصفه؟ -هل صادفت لحد دلوقتى عضو خنقك و حسيت انك مش طايقه؟ -هل مظهر الانسان اللى قدامك بيدخل فى حكمك عليه؟ -الى اى مدى بتسمح للانطباع الاول فى التاثير على معاملتك للاخرين؟ -مييييييين فى رايك احسن الوحشييييييين من الحكام العرب ؟ -مييييييين العضو اللى كنت مكونه عنه فكره كامله و لما عرفته كويس حسيت ان فكرتك كلها كانت غلط؟ حديكي اابيات شعر و تقولي تهديها لمين
من انت؟ و كيف فعلت هذا بى؟ من انت؟ و كيف تجرؤ على اختراق حصونى؟ و هل ستحتل الان قلاعى؟ من انت؟ و كيف تلاعبت بى هكذا؟
كيف تنساك نفسي و انت والله نفسى كل ما ابعد ينادينى حبيبي غلاك انتظرتك بعمري يا بَعَد كل أمسي انتظرتك و قلبي ينتظرنى معاك
أسف تراني واعتذر يوما وصفتك بالبدر نومي جفا طرف الجفن وصبري نفذ مالي صبر
حديكي اابيات شعر و تقولي تهديها لمين
من انت؟ و كيف فعلت هذا بى؟ من انت؟ و كيف تجرؤ على اختراق حصونى؟ و هل ستحتل الان قلاعى؟ من انت؟ و كيف تلاعبت بى هكذا؟
كيف تنساك نفسي و انت والله نفسى كل ما ابعد ينادينى حبيبي غلاك انتظرتك بعمري يا بَعَد كل أمسي انتظرتك و قلبي ينتظرنى معاك
أسف تراني واعتذر يوما وصفتك بالبدر نومي جفا طرف الجفن وصبري نفذ مالي صبر ايه رائيك بالمقولات الاتشيه
الحب الحقيقي : هو أن تحب الشخص الوحيد القادر على أن يجعلك تعيسا
أجمل ما في الدنيا: الحب والرغيف والحرية
الإهمال يقتل الحب ، والنسيان يدفنه
الحب لا يقتل ا حد إنما يعلقه بين الحياة والموت
الحب سلطان ولذلك فهو فوق القانون
أنت لا تعرف قلبك حتى تفشل في الحب
الحب كالقمر له وجهان: الغيرة هي الوجه المظلم
الإخلاص في الحب ليس إلا كسلا في النظر إلى إنسان آخر
المحب لا يجوع . والجائع لا يحب
الحب والحرب ندخلهما عندما نريد ، ولكن نهرب منهما عندما نستطيع
الذي يحب يصدق كل شيء أو لا يصدق أي شيء
الحب بئر عميق اشرب منها فقط واحترس من أن تقع بها
الذي يحبك بقسوة إنما يكرهك برفق
بالقلب نحب .. وبالعقل نكره .. بالاثنين نصاب بالجنون
كفاية كدة اجى بعدين | |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الأربعاء 12 نوفمبر 2008, 11:39 pm | |
| ميرسى يا رامى وبدات سلسه الانتقاااااااااااااااااااااااااااااااااام شوفوا انا انهارده تعبانه وكنت فى الكليه وبعدين روحت النادى ومش مركزة افوق كده بكره وارجع اجاااااااااااااااوب ياسمين يا قلبى منووووووووووووووووووووره لودى ميرسى يا حبيبتى مجدى هجاوب على اسئلتك بس اكون رايقه ومستنيه اسئلتك يا رامى واسئله باقى المنتدى كمان | |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الخميس 13 نوفمبر 2008, 12:42 pm | |
| - مجدى حسن كتب:
- انا هبدأ ياسارة اولا هتنورى اكيد وهتكونى اضافة
الله يخليك ميرسى واستنى دورك انت كمان يا جامد يا تقيل
1-لكل انسان ذو فكر رسالة فى الحياة ماهى رسالتك فى الحياة؟؟؟؟؟؟ الحقيقه الاول انى اكون زوجه كويسه اوى وام ناجحه جدا جدا وبعد كده اكيد عاوزة اكون صحفيه ناجحه
2-لكل انسان اشخاص ساعدوا فى تشكيل شخصيتها هل لديكى احد ساهم فى تكوين شخصيتك؟؟؟؟ بص هو اهم حد ساعد فى تكوين شخصيتى ورؤيتى للحياه كان عبد الوهاب مطاوع الله يرحمه ده للحياه عامتا وفى الكوره كان والدى لانو هو سبب اللى انا فيه ده والحياه الخاصه امى ربنا يخليها
3-البنت شخصية ضعيفة غالبا رأيك ايه؟؟؟؟؟؟؟؟؟ اطلاقا البنت قويه بذكاءها وفكرها واحترام الناس ليها وقوه المراه فى ضعفها واحساسها بانها مسنوده على ظهر راجل قوى يحميها من كل شيىء وبجد دى اسعد لحظات المراه لما تحس انه قدمها راجل قوى ويقدر يكون سند ليها ويحميها ويحافظ عليها من اى شيىء وللبنات اللى مش مرتبطين براجل اصلا قوتهم بتعليمهم واخلاقهم وتربيتهم وفكرهم لانو تفكير المراه هو اللى بيحدد
4-لو حياتى قصة فيلم تفتكرى يكون عنوانها اه..........؟؟؟بس اوعى تسرقى العنوان من حد! حياتك انت قصه فيلم تكون ايييييييييييييييييييييييييييييييييييييييه اخطر رجل فى مصر ههههههههههههه
5-اهم مميزاتك اللى بتحسى بيها؟؟؟؟ الطيبه والحنيه القلب الابيض يعنى بس مش بخطين حمر
6-من الممكن ان يكون الزوج غير الحبيب وتنجح الحياة ..رأيكى؟؟؟؟؟ اه اكيد ممكن ليه لافى جوازات كتير اوى بتكون صالونات وبتنجح جدا جدا وبتستمر اكتر من جوازات الحب لان الحقيقه وده رايى اى شيىء العقل هو اللى مسئول عنه نسبه نجاحه بتكون اعلى من القلب وده مش فى الحب وبس وثانيا لما يكون الحبيب اساسا ميستحقش كلمه حبيب اصلا
7-الزواج من الحبيب رائع حتى لو فيه عيوب الدنيا....رأيكى؟؟؟؟؟ اللى بيحب حد مش بيشوف عيوبه بس انا اعتقد انه صعب اووووووووووووووووووووووووووووووووووى انى اتجوز واحد فى عيوب الدنيا لمجرد انى بحبه وبس الحقيقه وقتها يغور الحب وانا مش ناسيه كلمتك اللى همشى بيها فى حياتى قبل ما تختارى زوج ليكى اختارى اب لاولادك واحد فى عيوب الدنيا هيكون اب ازاى وانا بتكلم على العيوب اللى مش بتتصلح لكن فى عيوب تتقبل زى العصبيه مثلا يمكن التعامل معاها
8-البنت ...انانية جدا تحب نفسها وتحب حب الغير لها ....رأيكى؟؟؟؟؟ دى البنات التافهه اللى بتكون كل همها انه تلاقى شخص يحبها وبس مش مهم هو مين او ازاى او ليه المهم حب وخلاص وبجد انا مش فيا الانانيه دى ابداااااااا انا احب الناس جدا ممكن ااجى على نفسى علشان خاطر اللى قدامى ايا كان وانت عارف ومتاكد من كده
اعتقد انى مش هسأل تانى الا لو شوفت اسئله واجابتك طرحت اسئلة تانى ومنورة مره تانى واتمنى اكون عملت مرور مفيد لا ليه اسئل تانى انا منتظراااااااااك واكيد مرورك مفيد واسئلتك جميله وانا عارفه ان انت بتسئل على المتغطى ولو قادر كنت سئلت كل اللى فى نفسك وبقت فضايح هههههههههههههههههههههههههههههههههههههههههههههههههههه اتمنى اكون رديت على اسئلتك انا كان ممكن استفيض لكن وقت الاعضاء ميسمحشى
| |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الخميس 13 نوفمبر 2008, 12:48 pm | |
| | |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الخميس 13 نوفمبر 2008, 2:15 pm | |
| اهلا سارة منورة والله
ده نورك يا قمر اسال بقى اتفضلى حبيتى كام مرة؟ مره واحده فقط مين مثلك الاعلى؟ ماما مين الشخص المتقدرش تبعدى عنه؟ ماما قولى كلمه توصفى بيها نفسك؟ متردده ايه عيوبك و حساناتك؟ عيوبى العند والعصبيه وانى كتير بغلط نفسى واجلدها اوى المزايا مش عارفه ولا تذكوا انفسكم اول ولد وبنت نفسك تسميهم ايه؟؟ اياد - جنى لون مبتحبيهوش؟؟ عادى مش حاجه معينه بس الاصفر شويه لما بتتخنقى من حد بتعبر عن خنقتك ؟؟ اه بتنرفز بسرعه اوووووووووووووووى ومبعرفشى بقول ايه بس بهدى بسرعه اووووووووووووى او حاجه بتعمليها لما تكونفرحانة واول حاجه بتعملها لما تكون زعلانة؟ لما بكون فرحانه زى امبارح بعد ما شوفت لاعبى الاهلى وكلمتهم براحتى بحس انى وانا ماشيه طايره وبقعد افتكر واكون نفسى احكى لكل اللى حواليا لو زعلانه بقى يالههههههههههههههههههوى الحنفيه بتشتغل اكتر حاجه بتريحنى هى البكاء وبحاول اتجنب الجلوس مع اى حد او ان اى حد يشوفنى او يحس انى متضايقه انتى ممكن تساعدي حد لدرجه ايه ؟ ممكن ااساعد لحد ااخر نقطه فى دمى مدام حاسه انه يستحق فعلا وبيحاول يساعد نفسه مش معتمد على مساعدتى وبس بتحبى العمل الجماعي ولا الفردي ؟ الجماعى طبعا مفيش احسن منه بالتاكيد بتحسى ان الكل قلب واحد وده شيىء جميل بتبقى فخورة اوي بنفسك لحظه ايه ..... ؟ لحظه ما اعمل لاى حد اى شيىء عاوزة او انفذ طلب لاى شخص لانى حقيقى بحب مساعده الناس اوى مدام فى استطاعتى احسن سن للحب بيكون ؟ ملهوش سن معين المشاعر مبتعترفشى بالسن بس يعنى مش 12-13 سنه ولا حتى 15 لالالالالالالالالالا ده هبل بس لو طلبتى سن للبنات 18-19 ممكن يكون حب والولاد 21-22 ممكن يكون وقتها حب ايه انطباعك عني الاول وهل اختلف حاليا؟ شوفى انا علشان عرفت هايدى كويس يبقى لازم اهل البيت كلهم يكونوا ما شاء الله كلهم محترمات جدا جدا البنت هايدى كانت بتقول عليكى كلام وحش اوووووووووى ههههههههههههههههههههههههههههههه بس طلعت كذابه بتقضي يومك اذاي ف اجازه? نووووووووووووووم ونت اية اسعد ايامك ? واية رقم البتحبية? الخميس والجمعه علشان اجازة رقم 10 اما بتخرج بتحب تروح فين? النيل اول اهتماماتى اية اكتر حاجه جريئة عملتيها ف حياتك لحد دلوقت? لما بروح النادى الاهلى بحس انه مصر كلها بتبص لى ومستغربه وانا مبيهمنيش خالص بعمل نفسى قويه ومش هاممنى طبعا اقصد النادى يعنى التدريب وحاجه كمان لما بكون فى مصيف وفى ماتش بقعد على القهوة والناس تسيب المباراه وابقى سامعه التعليقات وبرده عامله هبله عادى اية اكتر موقف صعب أتعرضتيله? انه يتقال عليا كلام بعيد تمام عنى او انى اتهم بحاجه معملتهاش وبتحلم ب أية دلوقت؟ انه الاهلى يرجع بالكأس من فم الاسود -هل تعتقد ان االست مغروره بطبيعته؟ اها فى كتييييييييييييييييييييييييييييييييييير مغرورين اووووووووووووى حاليا انا اكتر حاجه بكرهها فى حياتى عربيه السيدات فى المترووووو بس فى بنات جميله ومتواضعه اوى وفيها قوة الدنيا بتواضعهم وفكرهم -لميين تقول 1-لو تعرفوا بنحبكم قد ايه نجوم الاهلى 2-خلص تارك ؟؟؟؟ 3-انابستناك كأس افريقيا 4-عارف ليه مفيش 5-حبيبى يا عمرى الاهلى 6-احضان الحبايب الاهلى 7- الحب المستحيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 8-علمنى حبك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 9-مستقيل ههههههههههههههههههههههههههههه مفيش 10-غدار لاى حد غدر بيا 11-حنيت مفييييييييش 12-ليه خلتنى احبك لمحمد 13-اضحك كركر لامل اختى 14-من اول يوم عرفتك برضه محمد 15-حيران لتفسى 16-استحاله لنفسى 17-انا عايش و مش عايش لنفسى 1-ماشية الشارع و ا ذا بيكى وجها لوجه مع مع حد بتكرهه مووووت هتعمل ايه او هتقول له ايه ؟ انا مش بعرف اكره بس لو حد بتخنق منه هعمل مش شايفاه اصلا 2-رحت الجامعه فاذا بك تلاقى جميع الطلبه و المدرسين ميتين هيكون رد فعلك ايه ههههههههههههههههههههههههههههههههههههههههههه هزعل اووووووووووووووووووووى لانى معنى كده انى هقعد فى البيت وانا بتخنق من قاعده البيت اوى 3-لقيتى مركبه فضائيه نازله على سطوح بيتكم هيكون عندى فضول اشوفها اوى وكمان لو ينفع ياخدونى معاهم 4-قاعد فى السنيما بتتفرج على فيلم رعب و فجاه لقيت نفسك جوه احداث الفيلم وواحد من ابطاله لالالالالالالالالالا انا ممكن اموت انا مبحبش الرعب مش بخاف بس مبقدرشى اشوف دم او حاجه بتدبح او شخص بيتخض -هل تعتقد ان التضحيه صفه بتميز المراه اكثر من الرجل؟ المراه اكتر الراجل فى معظم الاحوال انانى بس ممكن راجل يضحى اكتر من المراه الف مره اثتثناء مش قاعده -هل انت من انصار جواز الصلونات؟ لالالالالالالالالالالالالالالا الحب طبعا احلى بكتير بس صعب نلاقيه فبنكون مجبرين على الصالونات -ايه الصفه الاسلاميه اللى شايف انها اندثرت؟ الاخلاق مين الصحابى الاقرب لقلبك و ديما بتعتبره قدوه ليك بعد الرسول عليه الصلاه و السلام؟ صلى الله عليه وسلم سيدنا عمر بحبه اوووووووووووووووووووووووووووووووووووى فوق ما تتخيلى -هل فى رايك الكراهيه صفه او طبيعه انسانيه موجوده فى الانسان ام هى شئ مكتسب من خلال الحياه و تعاملاتها؟ مكتسبه من ظلم الناس بس اللى نفسيته كويسه ومؤمن بالله وقضاءه مش ممكن يكره يدعى على اللى ظلمه بالهدايا ايهما اقوى شرا الشيطان ام النفس؟و ليه؟ النفس اصلا ربنا خالقها كويسه بعيده عن الاهواء والشهوات بس الحقيقه متفاوته مش كل الناس نفسهم قويه وده دور الشيطان بيغلب النفوس الضعيفه لكن لو الشيطان ليس له وجود مكنش هيبقى فيه اصلا شر واللى اقصده انه النفس الضعيفه هى من نفسها بتساعد الشيطان -ما هو مفهومك عن الخيانه؟ اسؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤا شيىء على وجه الارض -هل بتعتقد ان الحب الاول هو الحب الوحيد ام انه لا يوجد ما يسمى بالحب الاول؟ الحب الاول والاخير هو اللى بينتهى بالجواز -مييييييييين اطيب عضو عرفته فى المنتدى؟ كلهم طيبين وزى العسسسسسسسسسسسسسسسسل -مييييييين من الاعضاء هنا اللى تلقبه بمحامى المنتدى؟ نجــــــــــــــــــــــــــــــــــــــــــــــــــــــمه محامى على حق والله -ايه احساسك لما بتشوف طفل او عجوز او سيده نايمه فى الشارع او على احد الارصفه؟ بكون مخنوقه اوووووووووووووى واتمنى انى لو اقدر اريحهم من اللى هما فيه -هل صادفت لحد دلوقتى عضو خنقك و حسيت انك مش طايقه؟ لالالالالالالالالا لسسسسسسسسسسسه -هل مظهر الانسان اللى قدامك بيدخل فى حكمك عليه؟ ممكن بس ممكن لو كلمته اشيل الفكره بتاعت المظهر خالص لانى بحب الشخص المنتظم المهتم بمظهره واززعل اوى لو حد مخه جامد وشخصيه رائعه ويكون مبهدل فى لبسه وشكاه وده مش معناه انى احكم بالمظاهر اطلاقا بس المظهر شيىء مهم -الى اى مدى بتسمح للانطباع الاول فى التاثير على معاملتك للاخرين؟ اه اوقات كتير بحكم بيه فعلا بس بحاول اكون برده حياديه يمكن اكون فهمت غلط -مييييييين فى رايك احسن الوحشييييييين من الحكام العرب ؟ الرئيس مبارك -مييييييين العضو اللى كنت مكونه عنه فكره كامله و لما عرفته كويس حسيت ان فكرتك كلها كانت غلط؟ لالا مفيش حد لحد دلوقتى حديكي اابيات شعر و تقولي تهديها لمين من انت؟ و كيف فعلت هذا بى؟ للشيطان لما بيحاول يقنعنى فى عز ما انا صح انى غلط وللاسف بصدقه من انت؟ و كيف تجرؤ على اختراق حصونى؟ هى حصلت لى مره من كام سنه كنت متحصنه اوووووووووووووى اوووووووى وجيه اللى اخترق الحصون و هل ستحتل الان قلاعى؟ نفس الشخص ونفس الاجابه من انت؟ و كيف تلاعبت بى هكذا؟ بلاش كيف تنساك نفسي و انت والله نفسى نفسى تتقالى من حد مفيييييييييييييييييش كل ما ابعد ينادينى حبيبي غلاك لحمد انتظرتك بعمري يا بَعَد كل أمسي لمحمد انتظرتك و قلبي ينتظرنى معاك بلاش أسف تراني واعتذر يوما وصفتك بالبدر بلاش نومي جفا طرف الجفن وصبري نفذ مالي صبر لمحمد ايه رائيك بالمقولات الاتشيه الحب الحقيقي : هو أن تحب الشخص الوحيد القادر على أن يجعلك تعيسا هههههههههههههههههههههههههههههه غريبه اوووووووووووووووووووى ومتخلفه جدا أجمل ما في الدنيا: الحب والرغيف والحرية والامومه الإهمال يقتل الحب ، والنسيان يدفنه اللى بيحب مبينساش الحب لا يقتل ا حد إنما يعلقه بين الحياة والموت صح الحب سلطان ولذلك فهو فوق القانون لالالالالالالالالالالالالالالالا مفيش حاجه فوق القانون ولازم قواعد واصول للحب أنت لا تعرف قلبك حتى تفشل في الحب صح الحب كالقمر له وجهان: الغيرة هي الوجه المظلم لالالالالالالالالالالالا الغيره احلى شيىء فى الحب الإخلاص في الحب ليس إلا كسلا في النظر إلى إنسان آخر لالالالالالا طبعا ده احلى الاشياء ومن اعمده اى علاقه المحب لا يجوع . والجائع لا يحب هههههههههههههههههههههه يمكن الحب والحرب ندخلهما عندما نريد ، ولكن نهرب منهما عندما نستطيع صح الذي يحب يصدق كل شيء أو لا يصدق أي شيء بررررررررررررررررررررررده صح الحب بئر عميق اشرب منها فقط واحترس من أن تقع بها صح الذي يحبك بقسوة إنما يكرهك برفق الله اعلم بالقلب نحب .. وبالعقل نكره .. بالاثنين نصاب بالجنون بالعقل نحب ده اللى اعرفه وده اللازم يحصل كفاية كدة اجى بعدين انا بقالى ساعه والله هههههههههههههههههههههههههههههههههههههههههههههانتى بتاخدى حق رامى منى
عدل سابقا من قبل Sasooo_Ahlawya في الخميس 13 نوفمبر 2008, 3:58 pm عدل 2 مرات | |
|
| |
zeina مشرف
عدد الرسائل : 272 العمر : 36 تاريخ التسجيل : 23/10/2008
| موضوع: رد: كرسى الاعتراف الخميس 13 نوفمبر 2008, 2:59 pm | |
| هههههههههههههههههههههههههههههههههههههههه اية يا سارة اللى بيتعمل فيكى دا دا انتى متقطعة يلا ربنا معاكى | |
|
| |
yosy-lv-ahly اهلاوى نشيط
عدد الرسائل : 208 العمر : 33 تاريخ التسجيل : 05/11/2008
| موضوع: رد: كرسى الاعتراف الخميس 13 نوفمبر 2008, 4:05 pm | |
| ايه انطباعك عني الاول وهل اختلف حاليا؟ شوفى انا علشان عرفت هايدى كويس يبقى لازم اهل البيت كلهم يكونوا ما شاء الله كلهم محترمات جدا جدا البنت هايدى كانت بتقول عليكى كلام وحش اوووووووووى ههههههههههههههههههههههههههههههه بس طلعت كذابه
مرسى سارة ربنا يخليكى دا من ذوقك وانتى والله اللى محترمة اوى هسيبك بقى حاليا بس شوية كدة وهسالك اجاباتك حلوة جدا | |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الخميس 13 نوفمبر 2008, 4:33 pm | |
| - zeina كتب:
- هههههههههههههههههههههههههههههههههههههههه
اية يا سارة اللى بيتعمل فيكى دا دا انتى متقطعة ههههههههههههههههههههههههههههههههههههههههههه لا مش اووووووووووووى كه
يلا ربنا معاكى ميرسى ومستنياكى
| |
|
| |
Sasooo_Ahlawya المـــــــــــــــــــــــدير العـــــــــــــــــام
عدد الرسائل : 3481 العمر : 38 تاريخ التسجيل : 28/09/2008
| موضوع: رد: كرسى الاعتراف الخميس 13 نوفمبر 2008, 4:36 pm | |
| - yosy-lv-ahly كتب:
- ايه انطباعك عني الاول وهل اختلف حاليا؟
شوفى انا علشان عرفت هايدى كويس يبقى لازم اهل البيت كلهم يكونوا ما شاء الله كلهم محترمات جدا جدا البنت هايدى كانت بتقول عليكى كلام وحش اوووووووووى ههههههههههههههههههههههههههههههه بس طلعت كذابه
مرسى سارة ربنا يخليكى دا من ذوقك على ايه ده حقك يا بنتى وانتى والله اللى محترمة اوى ربنا يكرمك ده من ذوقك انتى
هسيبك بقى حاليا بس شوية كدة وهسالك اووووووووووك هستناكى
اجاباتك حلوة جدا ربنا يخليكى انتى اللى اسئلتك جامده موووووووووت
| |
|
| |
| كرسى الاعتراف | |
|