سنة 2008 بتمثل لك إيه؟

سنة 2008 بتمثل لك إيه ؟

كل سنة و أنتم طيبين و سنة سعيدة عليكم كلكم مليانة فرح و سعادة و مفاجأت حلوة
Happy new year to all و بنقول قبل لما السنة الجديدة تهل يارب نحقق كل اللى أحنا عاوزينه

سنة 2008 خلاص اوشكت على الإنتهاء و عدت بحلوها و مرها فى ناس كانت ليهم السنة دى نقطة تحول فى حياتهم و فى ناس تانية كانت بالنسبة ليهم زى أى سنة فاتت و عدت !!! و أنت بالنسبة ليك سنة 2008 كانت بتمثل لك إيه؟

و عشان أسهل الموضوع عليكم هديكم أسئلة ياريت كل الأعضاء يخشوا يجاوبوا الأسئلة دى للكل و بطلب منكم طلب خاص انا لسة جديدة فى المنتدى فكل واحد يخش يجاوب يعرفنى بنفسه :
1- ما هى احلى حاجة حصلت لك فى 2008 ؟

2- ما هى اوحش حاجة حصلت لك ؟

3- فى نقطة تحول مهمة حصلت لك السنة دى ؟ طب للأسوا و لا للأحسن ؟

4- ما هو احلى شعور حسيتة و أصعب شعور ( فى السنة دى )؟

5- لو هتكتب عنوان ( مانشيت ) يمثل نفسك فى السنة دى هيبقى إيه ؟ ( يعنى مثلا" كنت بتبقى متفائل كتير فشعارك كان الأمل هو أساس الحياة )؟

6- طب ماذا سيكون شعارك السنة اللى جاية ؟

7- حاجة نفسك تقولها لحد؟ و مين الحد دة ؟

8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟

9- حاجة نفسك تقولها لنفسك ؟

10- مين أكتر شخص كان قريب منك اوى السنة اللى فاتت ؟

11- اكتر حاجة ندمت عليها فى سنة 2008 ؟

12- حاجة نفسك تتحقق و دعوة انت بتدعيها لنفسك أو لحد عزيز عليك ؟

13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟

14- إيه أكتر ألبوم أغانى عجبك فى 2008 ؟

15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟\

16- إيه الفيلم اللى عاجبك فى 2008 و الفيلم اللى معجبكش ؟و اى حد عندة أسئلة ممكن نضيفها فى الموضوع يكتبها و هنضيفها أولا" بأول

و بقولكم سنة سعيدة عليكم كلكم إن شاء الله HAPPY NEW YEAR TO ALL

أعرفكم بنفسى انا خلود فى كلية سياسة و إقتصاد سنة 3 عندى 20 سنة يالا عشان اشجعكم هجاوب على الأسئلة :

1-- ما هى احلى حاجة حصلت لك فى 2008 ؟
أحلى حاجة أصحابى ربنا يخليهم ليا ( هما بجد احلى حاجة فى حياتى )

2--ما هى اوحش حاجة حصلت لك ؟
الحمد لله محصلش حاجة وحشة أو مش فاكرة ربنا يسترها معانا دايما"

3-فى نقطة تحول مهمة حصلت لك السنة دى ؟ طب للأسوا و لا للأحسن ؟
مش عارفة شكلها كانت سنة و عدت و خلاص بس كل حاجة بتحصل للواحد بيتعلم منها

4-ما هو احلى شعور حسيتة و أصعب شعور ( فى السنة دى )؟
أحلى شعور شعور الصداقة و أصعب شعور هو الإحباط

5-- لو هتكتب عنوان ( مانشيت ) يمثل نفسك فى السنة دى هيبقى إيه ؟
بكرة هيكون احسن

6- طب ماذا سيكون شعارك السنة اللى جاية ؟
النهاردة إن شاء الله أحلى يوم فى حياتى و سأقترب منك يارب و هحاول مقصرش فىحقك

7-- حاجة نفسك تقولها لحد؟ و مين الحد دة ؟
بقول لكل الناس اللى بحبهم ربنا يخلينا لبعض و متحصلش اى حاجة تفرق بينا

8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟ا
نى أجيب تقدير كويس فى كليتى و أعمل تدريب فى بنك ( الحمد لله أتحققوا ) و فى صفات فيا نفسى أبطلها و صفات نفسى أحققها
( بعضها حققتة و البعض لا و إن شاء الله هقدر أن شاء الله هتتحقق فى 2009 )

9- حاجة نفسك تقولها لنفسك ؟
طول ما فى امل كل حاجة هتبقى كويسة

10-- مين أكتر شخص كان قريب منك اوى السنة اللى فاتت ؟
أصحابى
11- اكتر حاجة ندمت عليها فى سنة 2008 ؟
زعلت واحدة صحبتى بس الحمد لله ظبت الموضوع و كله تمام

12- حاجة نفسك تتحقق و دعوة انت بتدعيها لنفسك أو لحد عزيز عليك ؟
نفسى انى ربنا يسترها معايا و و يستر فى امتحانات السنة دى ( أدعولىىىىىىى) و سنة 2009 يبقى فيه مفاجأت حلوة ليا و لأصحابى و لكل الناس اللى بحبهم
ولحد عزيز عليا : لأصحابى ربنا يفك همهم و حزنهم و يرزقهم و يعوضهم عن حاجات عانوا منها

13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟
مليانة مفاجأت و خير إن شاء الله

14-- إيه أكتر ألبوم أغانى عجبك فى 2008 ؟
ألبوم حماقى و نانسى و وائل جسار و سامو زين

15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟
بكلمة منك لشيرين بس دى عشان المفضلة عندى

16-- إيه الفيلم اللى عاجبك فى 2008 و الفيلم اللى معجبكش ؟
حسن و مرقص و الفيلم اللى معجبنيش فى كتير

و بقول لكم كلكم كل سنة و انت طيبين و عيد هجرى سعيد و سنة ميلادية سعيدة

- ما هى احلى حاجة حصلت لك فى 2008 ؟
رضا ابويا وأمي عني
2- ما هى اوحش حاجة حصلت لك ؟
حصار وقتل اهل غزة
3- فى نقطة تحول مهمة حصلت لك السنة دى ؟ طب للأسوا و لا للأحسن ؟
للأسسوء وهي اني امنت لصديق خاين
4- ما هو احلى شعور حسيتة و أصعب شعور ( فى السنة دى )؟
احلى شعور هو رضا ابويا وامي
واسوء شعور هو احساسي بالعجز عن فعل شيئ تجاه ما يحدث في غزة
5- لو هتكتب عنوان ( مانشيت ) يمثل نفسك فى السنة دى هيبقى إيه ؟ ( يعنى مثلا" كنت بتبقى متفائل كتير فشعارك كان الأمل هو أساس الحياة )؟
العلم والعمل هما اساس الحياة
6- طب ماذا سيكون شعارك السنة اللى جاية ؟
الله أعلم
7- حاجة نفسك تقولها لحد؟ و مين الحد دة ؟
حسبي الله ونعم الوكيل
8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟
ما تمنيت تحقيقه هو رضا ابويا وامي
وما لم يتحقق هو السلام العادل للفلسطينيين
9- حاجة نفسك تقولها لنفسك ؟
اتق الله
10- مين أكتر شخص كان قريب منك اوى السنة اللى فاتت ؟
ابني الصغير محمود ( 6 سنوات )
11- اكتر حاجة ندمت عليها فى سنة 2008 ؟
اني امنت لانسان لا يستحق الثقة التي اوليتها له
12- حاجة نفسك تتحقق و دعوة انت بتدعيها لنفسك أو لحد عزيز عليك ؟
اللهم احسن خاتمتنا جميعا واكتب لي الشهادة في سبيلك
13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟
لا يعلم الغيب الا الله وما اصابك لم يكن ليخطأك وما اخطأك لم يكن ليصيبك
14- إيه أكتر ألبوم أغانى عجبك فى 2008 ؟
الا رسول الله
15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟\
الا رسول الله
16- إيه الفيلم اللى عاجبك فى 2008 و الفيلم اللى معجبكش ؟
الفيلم اللى عاجبني بوشكاش
و اى حد عندة أسئلة ممكن نضيفها فى الموضوع يكتبها و هنضيفها أولا" بأول

كل سنه وكل الاعضاء بخير وسنه سعيده ان شاء الله

واعرفكو بنفسى الاول انا اسمى ايهاب 25 سنه مقيم بالسعوديه

- ما هى احلى حاجة حصلت لك فى 2008 ؟
انى عرفت حد مهم اوووى فى حياتى وحاسس انه هيكون له دور كبير
2- ما هى اوحش حاجة حصلت لك ؟
اللى بيحصل فى فلسطين
3- فى نقطة تحول مهمة حصلت لك السنة دى ؟ طب للأسوا و لا للأحسن ؟
للاحسن ان شاء الله
4- ما هو احلى شعور حسيتة و أصعب شعور ( فى السنة دى )؟
احلى شعور لما رجعت مصر فى شهر 4 واصعب شعور الغربه
5- لو هتكتب عنوان ( مانشيت ) يمثل نفسك فى السنة دى هيبقى إيه ؟ ( يعنى مثلا" كنت بتبقى متفائل كتير فشعارك كان الأمل هو أساس الحياة )؟
متفائل اوووى ومحبش التشاؤم
6- طب ماذا سيكون شعارك السنة اللى جاية ؟
السنه دى غير اى سنه
7- حاجة نفسك تقولها لحد؟ و مين الحد دة ؟
بحبك هاواواواواو مش قايل مين
8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟
اعمل شركة مقاولات بس ما حققتوش بس ماياستش بالعكس مصمم اوووووى عليها
9- حاجة نفسك تقولها لنفسك ؟
خليك مع ربنا
10- مين أكتر شخص كان قريب منك اوى السنة اللى فاتت ؟
هما مش واحد ثلاثه وائل ومحمد وحد تالت وهما مش بالترتيب
11- اكتر حاجة ندمت عليها فى سنة 2008 ؟
الحمد لله ما عملتش شئ يخلينى اندم عليه
12- حاجة نفسك تتحقق و دعوة انت بتدعيها لنفسك أو لحد عزيز عليك ؟
ان ربنا يباركلى فى اللى بحبه
13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟
ان شاء اللعه سعاده وامل كبيييير وشوية قلق صغننين
14- إيه أكتر ألبوم أغانى عجبك فى 2008 ؟
البوم سامو زين
15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟\
وافتكرت محمد حماقى
16- إيه الفيلم اللى عاجبك فى 2008 و الفيلم اللى معجبكش

ما شوفتش افلام 2008 مكنتش موجود


واسيبكو بقه سنه سعيده عليكوااااااااااااااا

بجد نورتم الموضوع يا جماعة و معلش عشان اتاخرت فى الردود عليكم بس الواحد مطحون فى الأيام دى عشان الإمتحانات أدعولى
مجدى : ربنا يكرمك و تحقق كل اللى تتمناه إن شاء الله و السنة الجاية تكون احلى و احلى

mado : عجبنى شعارك جدا" (حب ما تفعل حتى تفعل ما تحب ) أحنا محتاجين كلنا الشعار دة جدا" فى حياتنا وربنا يخليك لصاحبك الأنتيم عشان أحلى شعور الصداقة و لا إيه ؟

الجندى : ربنا يكرمك مع حبيبتك و مع صاحبك و تحقق كل اللى تتمناه إن شاء الله فى 2009

إسراء: إس إس حبيبتى وحشانى مووووت انا عارفة انك مطحونة زى فى الإمتحانات شدى حيلك و مبروك على نائب المدير و على فكرة انا حلمت من كام يوم أنك اتخطبتى و شعارك حلو اوى : الصدق هو اساس الحياة السعيدة فعلا" عشان الكدب بيودى فى داهية


إيهاب : اهلا" و سهلا" بجد نورت الموضوع اللى بيحصل فى فلسطين بجد حاجة تعبانا كلنا و تاعبة كل المسلمين نخيل أن فى برنامج أمريكى بيجى على mbc4 زى صباح الخير يا مصر عندنا جايبن فى البرنامج أطفال إسرائيل المصابين بعد ضرب و غارات قوات حماس عليهم و وزيرة الخارجية الإسرائيلية بتقول أن مفيش دمار شامل فى غزة و لا حاجة و فى الأخر جابوا أطفال فلسطنيين و أطفال إسرائيلين مصابين شوف الإعلام بيشتغل هناك إزاى فى أمريكا ؟ بجد حسبى الله و نعم الوكيل

و إن شاء الله السنة الجاية بالنسبة لك هتبقى سعادة و بلاش القلق كل حاجة هنبقى تمام



نداااااااااااااااااااااااااااااااء إلى سارة : انت فين دا أنا كنت متوقعة انك اول واحدة هتجاوبى يالا مستنياكى و ربنا معاكى فى الإمتحانات

أستاذ خالد : ربنا يخلى لك أبنك محمود و تحقق كل اللى بتتمناة و تحقق الحاجات اللى بتتمناها لأبنك محمود

فى البدايه احب اهنى كل الاعضاء السنه الجديده واقولهم happy new year ويارب تكون سنه سعيده على الجميع
اعرفكم بنفسى انا محمد مقيم بالسعوديه
ما هى احلى حاجة حصلت لك فى 2008 ؟
احلى حاجه هى ان ربنا قدرنى واديت فريضه الحج السنه دى الحمد لله

2- ما هى اوحش حاجة حصلت لك ؟
انى خليت حد يختارلى حاجه كانت غلطه كبيره وكمان اللى بيحصل فى غزه الله ينصرهم

3- فى نقطة تحول مهمة حصلت لك السنة دى ؟ طب للأسوا و لا للأحسن ؟
للاحسن الحمد لله انى اتعرفت علىصديق بمعنى الكلمه

4- ما هو احلى شعور حسيتة و أصعب شعور ( فى السنة دى )؟
احلى شعور حسيته وانا نازل من على جبل عرفات مش بس السنه دى دا احلى احساس فى حياتى والاصعب لما بشوف اطفال غزه واللى بيحصلهم بجد شىء صعب جدا وبحس بالذنب تجاههم

5- لو هتكتب عنوان ( مانشيت ) يمثل نفسك فى السنة دى هيبقى إيه ؟ ( يعنى مثلا" كنت بتبقى متفائل كتير فشعارك كان الأمل هو أساس الحياة )؟
انت على الطريق الصحيح

6- طب ماذا سيكون شعارك السنة اللى جاية ؟
حقق احلامك
7- حاجة نفسك تقولها لحد؟ و مين الحد دة ؟
هى كلمه واحده بس اما الاقيه هقولها

8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟
اول واحده انى احصل على فرصه العمل اللى انا فيها ولله الحمد والتانيه انى اتجوز ودى بقى مفيهاش ياس خالص

9- حاجة نفسك تقولها لنفسك ؟
احترم الاخرين ولا تامن مكرهم

10- مين أكتر شخص كان قريب منك اوى السنة اللى فاتت ؟
هما اتنين ايهاب وحسن ربنا يخلينا لبعض

11- اكتر حاجة ندمت عليها فى سنة 2008 ؟
الحمد لله مفيش ندم بمعنى الكلمه وربنا ما يجيبه

12- حاجة نفسك تتحقق و دعوة انت بتدعيها لنفسك أو لحد عزيز عليك ؟
اللهم ما ارضى عنى واجعلنى دوما اقرب اليك

13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟
دى ان شاء الله سنه تحقيق الاحلام ويارب تكون كده لكل الاعضاء

14- إيه أكتر ألبوم أغانى عجبك فى 2008 ؟
حماقى ناويها جامد قوى
15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟\
وافتكرت حماقى

16- إيه الفيلم اللى عاجبك فى 2008 و الفيلم اللى معجبكش ؟و اى حد عندة أسئلة ممكن نضيفها فى الموضوع يكتبها و هنضيفها
مش متابع جيد للافلام بس بوشكاش معقول


فى النهايه احب اشكر صاحبه الفكره الظريفه دى وميرسى كتير

واتمنى النجاح والتوفيق لكل الاعضاء
وكل سنه وانتم بخير

سورى حصل لبس ودخلت باسم ايهاب اصل احنا مع بعض فى الشقه والشغل وانا محمد [mido_m]واللى ارسلته ده عنى انا وسورررررررررررى كتير للى حصل

1-- ما هى احلى حاجة حصلت لك فى 2008 ؟
اني قطعت علاقتي بوحده كنت فهمه غلط وفهمتها صح
2--ما هى اوحش حاجة حصلت لك ؟[/color
هو كتير بس اوحش حاجه اني كنت بحب البنت اللي قطعت علاقتي بيها دي اوحش حاجه
[color=blue]
3-فى نقطة تحول مهمة حصلت لك السنة دى ؟ طب للأسوا و لا للأحسن ؟
نقطه تحول روح استحما الاول ههههههههههههههههه

4-ما هو احلى شعور حسيتة و أصعب شعور ( فى السنة دى )؟
احلي شعور الوحده واصعب شعور برده الوحده

5-- لو هتكتب عنوان ( مانشيت ) يمثل نفسك فى السنة دى هيبقى إيه ؟
نفسي ميكنش ليا مكان!!!

6- طب ماذا سيكون شعارك السنة اللى جاية ؟
اتحدي نفسي والجميع

7-- حاجة نفسك تقولها لحد؟ و مين الحد دة ؟
بقول لساره وحشتيني يا سياده المدير ونفسي اكلمك
واسراء بلاش بقيت وحشه خالص مبتسالش (طبعا انتو عارفين ان ساره واسراء زي اخواتي واكتر )

8- ما هو اللى كان نفسك تحققه فى السنة اللى فاتت و حققته بالفعل ؟ طب ما هو اللى كان نفسك تحققه و محققتهوش ؟ طب انت ناوى تحققة السنة اللى جاية ولا يأست ؟ا
لاه انا ياست

9- حاجة نفسك تقولها لنفسك ؟
لاه حياه مع الياس ولا ياس مع الحياه تعني انا ليس موجود

10-- مين أكتر شخص كان قريب منك اوى السنة اللى فاتت ؟[/colo ليه الاحراج ده اللي كانت حبيبتي
[color=blue]11- اكتر حاجة ندمت عليها فى سنة 2008 ؟
اني ضريت واحد ملهوش ذنب علشان بنت وفي الاخر خسرت البنت

12- حاجة نفسك تتحقق و دعوة انت بتدعيها لنفسك أو لحد عزيز عليك ؟
نفسي في حاجات كتير اهمها اني ادخل الجنه وفلسطين تتحر واكون من الناس اللي يحرروها

13- متوقع السنة اللى جاية تكون عاملة إزاى ؟ يعنى بالنسبة لك هتبقى سعادة و امل و لا خوف ….. إلخ ؟
خير ان شاء الله تعالي

14-- إيه أكتر ألبوم أغانى عجبك فى 2008 ؟
البوم كامل مسمعتش بس سمعت من كل البوم اغنيه او نصف اغنيه

15- إيه اكتر اغنية عجبتك فى 2008 و كانت بتعبر عن حالتك النفسية او شخصيتك ؟
بعشقك راغب علامه
16-- إيه الفيلم اللى عاجبك فى 2008 و الفيلم اللى معجبكش ؟
فيلم عجبني رمضان مبروك ابو العلمين حموده
مفيش حاجه معجبتنيش لاني مبتفرجش كتير

و بقول لكم كلكم كل سنة و انت طيبين وانتي طيبه وبكل خير وسلامه



[/quote]

هاااااااااااااااااااااااااااااى ازيكم وحشتونى موووووووووووووووووووووووووووووووووووووووت



انا بالنسبة ليا 2008 دى كانت سنة مملة جدا بالنسبة ليا اوحش سنة شفتها فى حياتى



احلى حاجة حصلتلى فيها انى اتجوزت فى اخرها